ټولګټو وزارت: د اوسپنې پټلۍ له لارې ۹۵۳ زره مټریک ټنه انتقالات شوي

د ټولګټو چارو وزارت وایي، چې د ۱۴۰۴ کال په لومړۍ ربع کې د یاد وزارت د اوسپنې پټلۍ له لارې ټولټال ۹۵۳ زره او ۲۰ مټریک ټنه انتقالات ترسره شوي دي. د دغه وزارت د مالوماتو له مخې، د حیرتان بندر له لارې ۷۲۶ زره او ۹۴۶ مټریک ټنه، د اقینې بندر له لارې ۶۸۴ زره او ۳۶ متریک ټنه، د تورغونډۍ بندر له لارې ۸۵ زره او ۸۵۶ مټریک ټنه او د خواف-هرات له لارې ۷۱ زره او ۷۸۲ مټریک ټنه، چې ټولټال ۹۵۳ زره او۲۰ مټریک ټنه نفتي، غیر نفتي او نور مواد دي، هېواد ته وارد او صادر شوي دي. د دې وزارت د معلوماتو له مخې، د انتقالاتو له ډلې یوه برخه ټرانزيټ او صادرات دي، په تېره لومړۍ ربع کې ( ۵۱ زره او ۴۳۲) ټنه ټرانزيټ او صادرات شوي، چې لویه برخه یې وچه مېوه، معدني ډبرې، کچالو، وريجې او د انارو جوس دي.