د سرپرست حکومت چارواکي وايي، د کډوالو ستونزو د حل په موخه د هرات په اسلام کلا بندر کې اسانتیاوې رامنځته شوې دي. د سرپرست حکومت د ویاند مرستیال حمدالله فطرت چې د اسلام کلا بندر ته تللی له خصوصي سکټور او ولسي خلکو غوښتي، چې کډوالو ته د خوړو او اوبو برابرولو سربېره ولایتونو ته د هغوی لېږد برخه کې لازیاته ونډه واخلي. د هرات د سیمهییزو مسوولینو د شمېرو پربنسټ په نږدې تېرو شلو ورځو کې د اسلام کلا بندر له لارې له ایرانه شاوخوا نیم میلیون افغان کډوال هېواد ته راستانه شوي دي. د هرات د سیمهییزو مسوولینو په خبره په ورځني ډول له شل تر ۲۵ زرو پورې کسان د اسلام کلار بندر له لارې هېواد ته راستنېږي.
حمدالله فطرت: خصوصي سکټور دې د کډوالو لاسنیوی وکړي
Get real time update about this post categories directly on your device, subscribe now.
- Trending
- Comments
- Latest
