د ملګرو ملتونو د وګړو صندوق (UNFPA) پر خپله اېکس پاڼه لیکلي، چې د جنورۍ له پیله د جون تر پایه هیواد په ۳۴ ولایتونو کې څه باندې یو میلیون افغان مېرمنې او نجونې د مور او ماشوم، ځوانانو او رواني – ټولنیز ملاتړ اړوند روغتیايي خدماتو برخمنې شوې دي. نوموړي سازمان زیاته کړې چې دا خدمات د بشردوستانه هڅو یوه برخه ده، چې ړ افغان مېرمنو او نجونو وضعیت ته د پاملرنې په موخه ترسره کیږي. د یاد بنسټ په خبره، په افغانستان کې د ملګرو ملتونو د وګړو صندوق استازې کوابنا اسوا نکانسا په کابل کې د بریتانیا د بهرنیو چارو وزارت د بشردوستانه چارو له سلاکار او بهرنیو دیپلوماتانو سره کتلي دي. د سرچینې د مالوماتو له مخې د دې کتنې موخه د افغان نجونو او مېرمنو د روغتیا او هوساینې لپاره د ملګرو ملتونو د وګړو صندوق او بریتانیا ترمنځ د همکاریو پیاوړتیا ښودل شوې ده.
م.م: افغانستان کې څه باندې یو میلیون مېرمنې له روغتیايي خدماتو برخمنې شوې
Get real time update about this post categories directly on your device, subscribe now.
- Trending
- Comments
- Latest
