په کيوبا کې د لمريزې انرژۍ د فوتولټيک برقي سټېشن د پروژې بشپړېدو مراسم د نومبر د ۱۲مې نېټې په سهار د دې هېواد د ارتيميسا ولايت په ګواناجای ښار کې ترسره شول.
دغه پروژه چې ۳۵ میګاواټه برېښنا برابرولی شي، د چين په مرسته بشپړه شوې ده.
د کيوبا د کمونېست ګوند د مرکزي کمېټې لومړي منشي او دولت رئيس ميګويل دياز کانيل بيرموديز او په کيوبا کې د چين سفير هوا شين په شمول د دواړو هېوادونو اړوندو چارواکو په دغو مراسمو کې ګډون کړی و.
د کيوبا د بهرنۍ سوداګرۍ او پانګو وزارت معاونې ريواس په يادو مراسمو کې د دغه هېواد د حکومت او خلکو په استازيتوب له چين څخه مننه کړې او ويلي یې دي چې د دې پروژې په مټ به کیوبا زیاته برېښنا تولید کړي، د بريښنايي سيستم د چلنجونو پر وړاندې به مقابله وکړي او د انرژيو د توليدي هدف د عملي کولو لپاره به خوځنده ځواک ومومي.
