په جاپان کې د چین لوی سفیر وو جیانګ هاو د نومبر په ۱۴مه نېټه د جاپان د بهرنیو چارو مرستيال وزیر راوغوښت او ورته يې د چین په اړه د جاپان د لومړۍ وزیرې سانای تاکایچي د ناسمو څرګندونو او اقداماتو پر وړاندې سخت احتجاج وکړ.
وو جیانګ هاو وویل چې د تایوان په اړه د سانای تاکایچي پاروونکې څرګندونې د اساسي حقایقو څخه سرغړونه ده، د چین سره کرښه یې نقض کړې، د زور ګواښونه یې کړي او د جګړې شعارونه یې ورکړي. دې څرګندونو د چین په کورنیو چارو کې په کلکه لاسوهنه وکړه، په جدي توګه یې نړیوال قوانين او د نړیوالو اړیکو اساسي نورمونه مات کړل، د جګړې وروسته نړیوال نظم ته یې سخت زیان ورساوه، د چین او جاپان ترمنځ د څلورو سیاسي اسنادو روحیه یې په جدي توګه زیانمنه کړه او د چین او جاپان ترمنځ د اړیکو سیاسي بنسټ یې کمزوری کړ. چين په کلکه غوسه دی او دا به ونه مني .
وو جيانګ هاو په اشارې ويلي چې تايوان د چين تايوان دی، د تايوان مسئله د چين د اصلي ګټو مرکز دی. د تايوان مسئله څنګه حل شي او د چين ملي يووالی به څنګه تر لاسه شي، دا د چينايانو مسئله ده، چينايان په دې برخه کې هېڅ بهرنۍ لاسوهنه نه مني.
