د چین صدراعظم لي چيانګ د نومبر په ۲۲مه نېټه د جنوبي افريقا په جوهانیسبورګ ښار کې د جي شل ګروپ (G20) د شلمې سرمشریزې په لومړي پړاو غونډه کې ګډون وکړ او د (( ټولشموله او دواملرونکې اقتصادي وده)) تر موضوع لاندې یې وینا وکړه.
د جي شل ګروپ د غړو هېوادونو مشرانو، د مېلمنو هېوادونو مشرانو او د اړوندو نړیوالو سازمانونو مسئولینو په غونډه کې برخه اخیستلې ده. د جنوبي افریقا ولسمشر رامافوسا د دغې غونډې مشري کوله.
لي چیانګ په خپله وينا کې وویل، چې ځکه د نړیوال اقتصاد د بیا سمسور خوځنده ځواک کمزوری دی، موږ باید پر همکارۍ او ازادې سوداګرۍ ټینګار وکړو. موږ بايد د اختلافاتو او شخړو په وړاندې د توپيرونو په ساتلو سره د توافقاتو د تر لاسه کولو لپاره هڅې وکړو او د برابرې مشورې له لارې دې ستونزې او جنجالونه حل کړو. د نړیوال مديريت د ستونزو په وړاندې، موږ باید پر څو اړخیزیتوب ټینګار وکړو، د نړیوال بانک، د پيسو نړیوال صندوق (IMF)، د سوداګرۍ نړيوال سازمان (WTO) او نورو سازمانونو د اصلاحاتو بهیر دې چټک کړو، ترڅو د پرمختیايي هېوادونو د رایې او خبرې حق لوړ شي او د نړيوال اقتصاد او سوداګرۍ لا عادلانه او پرانیستی نظم جوړ شي.
هغه زیاته کړه چې، چین (( له افریقا او د لږ پرمختللو هېوادونو د صنعتی کېدو څخه د جي شل ګروپ د ملاتړ وړاندیز)) د پلي کولو لپاره د چین عملي پلان خپور کړی. چین هم د پرمختیايي هېوادونو د پورونو د فشار د کمولو ملاتړ کوي او له جنوبي افریقا سره يې ((د افریقا د عصري کېدو د ملاتړ همکاریز نوښت)) ګډ وړاندیز کړی. بر سېره پر دې، چين به د بېلا بېلو هېوادونو د ګډ پرمختګ لپاره د پرمختګ نړیواله اکاډمۍ جوړه کړي.
