د چين د سوداګرۍ وزارت د نومبر په ۲۷مه نېټه د ماليزيا او امريکا د مساوي سوداګرۍ تړون پر ځينو محتوياتو جدي اندېښنه څرګنده کړې ده.
د دې وزارت اړوندې ادارې د نومبر په ۲۵مه نېټه په بېجينګ کې د ماليزيا د سوداګرۍ او صنعت وزارت له اړوندو مسؤلينو سره په همدې اړه يوه ناسته ترسره کړې ده.
د چين سوداګرۍ وزارت ويلي، هېواد يې خوښ دی چې ماليزيا له نورو هېوادونو سره د اقتصادي او سوداګريز تړون په لاسليک خپلمنځي توپيرونه لرې کوي، خو هر ډول تړون یې بايد د نړيوالې سوداګرۍ پر پرمختګ او سيمه ييزو همکاريو منفي اغېزه ونه لري او چيني ګټو ته باید زيان ونه رسوي. چين هيله لري چې ماليزيا دايمي ګټو ته په کتو ياده مسئله بيا تر غور لاندې ونيسي او په معقول ډول يې تنظيم کړي.
