د چين د ولسي سیاسي مشورتي کنفرانس ملي کميټې د ډسمبر د ۳۱مې نېټې په سهار د ۲۰۲۶م کال د مبارکۍ مېلمستيا کړې، چې پکې د چين د کمونېست ګوند او دولت مشرانو، د مختلفو ډیموکراتیکو ګوندونو د مرکزي کمېټو مشرانو، د صنعت او سوداګرۍ فدراسیون چارواکو، غیر ګوندي شخصیتونو ، د مرکزي او دولتي ارګانونو چارواکو او د قومي ډلو او بېلا بېلو ټولنو استازو ګډون کړی و.
د چین د کمونېست ګوند د مرکزي کمیټې عمومي منشي، دولت رئيس او د مرکزي پوځي کمېسیون رئيس شي جین پینګ يادې مېلمستيا ته په وينا کې پر دې ټينګار کړی، چې ګوندي غړي او د هېوا د ټولو قومونو وګړي باید متحد واوسي او د چیني شکله عصريتوب لپاره باید کار وکړي او برياوې باید خپلې کړي.
نوموړي د ګوند د مرکزي کمېټې، دولتي شورا او مرکزي پوځي کمېسيون په استازيتوب د چين د ټولو قومونو وګړو، د هانکانګ، مکاو او تايوان وطنوالو او په بهرنيو هېوادونو کې مېشتو چينايانو او بهرنيو دوستانو ته د نوي کال مبارکي ويلي ده.
