د پاکستان د لومړي وزیر مرستیال او بهرنیو چارو وزیر محمد اسحاق ډار به د جنورۍ له ۳مې نېټې څخه تر ۵مې نېټې پورې چین ته سفر ولري.
د چين د بهرنيو چارو وزارت وياند لين جيان د ډسمبر په ۳۱مې نېټې په نوبتي خبري ناستې کې ويلي، چې چين او پاکستان نږدې دوستان او د هر فصل ستراتيژيک شريکان دي. له تېرو څو کلونو راهيسې، د دواړو هېوادونو د لوړ پوړو مشرانو ترمنځ تګ راتګ ډېر نږدې شوی، متقابل سياسي باور يې لاټينګ شوی، خپلمنځي همکارۍ يې پراخې او ژورې شوي او دوه اړخيزې اړيکې يې د لوړې کچې او ښه پرمختګ په وضعيت کې پاتې شوې دي.
۲۰۲۶م کال د چين او پاکستان ترمنځ د رسمي اړيکو د ټينګېدو له ۷۵مې کليزې سره برابر دی او په دې مناسبت به دواړه هېوادونه يو لړ فعاليتونه ترسره کړي.
لين جيان چين ته د اسحاق ډار رسمي سفر د اړوندو فعاليتونو پيل بللی او ويلي يې دي، بېجينګ دې ته سترګې په لار دی چې له پاکستاني لوري سره د دواړو هېوادونو د مشرانو مهم توافقات پلي کړي، ستراتيژيکې همغږۍ ورسره لا ټينګې او په بېلا بېلو برخو کې تبادلې او همکارۍ ورسره پياوړې کړي او د ۷۵مې کليزې د لمانځنې فعاليتونه ترسره او د نوې زمانې لپاره د دواړو هېوادونو د ګډ برخليک ټولنې د ابادۍ ګامونه چټک کړي.
