د چين د کمونېست ګوند د مرکزي کمېټې سياسي بيورو غړي او بهرنيو چارو وزير وانګ يې د جنورۍ په ۴مه نېټه په پلازمېنه بېجينګ کې د پاکستان د لومړي وزير له مرستيال او خارجه وزیر اسحاق ډار سره د دواړو هېوادونو د بهرنيو چارو وزيرانو د اوومې دورې ستراتيژيکې خبرې کړې دي.
وانګ يي ويلي، د چين دولت رئيس شي جين بينګ د پاکستان له مشرانو سره لوړ پوړی تګ راتګ ساتلی او د دوه اړخيزو اړيکو په اړه يې ستراتيژيکې لارښوونې کړې دي.
چين غواړي له پاکستان سره يو ځای د دواړو هېوادونو د مشرانو ګډې نظريې عملي کړي، متقابل ستراتيژيک باور ورسره ټينګ او همکارۍ ورسره پراخې کړي، امنيتي همکارۍ ورسره پياوړې او څو اړخيزې همغږۍ يې زياتې کړي او د دواړو هېوادونو د ګډ برخليک ټولنې جوړونه چټکه کړي.
اسحاق ډار په خپلو خبرو کې د چين عصريتوب د نړۍ د سولې او پرمختګ لپاره مهم ځواک یاد کړی دی.
نوموړي ويلي، پاکستان د يو چين پر اصل ټينګار او په مرکزي ګټو پسې تړلو مسئلو څخه يې ټينګ ملاتړ کوي او په خبره یې، هېواد يې د چين د څو اړخيزم دريځ لوړه ستاينه کوي او د رئيس شي جين پينګ له څلورو نړيوالو وړانديزونو ملاتړ کوي.
