پاکستان کې د افغان کډوالو د جبري ایستلو وېره د دوی لپاره وژونکې پایلې لري

د بې‌پولې ډاکټرانو سازمان په خپره کړې خبرپاڼه کې په پاکستان کې د ایستلو له ګواښ سره د مخ افغان کورنیو د روغتیا په اړه ژوره اندېښنه ښودلې ده. یاد سازمان زیاته کړې، چې د پاکستان د حکومت د فشارونو له امله افغان کورنۍ په وېره کې ژوند تېروي او د بېرته ستنېدو پر مهال یې ژوند له جدي ګواښ سره مخامخ دی. د بې‌پولې ډاکټرانو سازمان دخبرپاڼې له مخې، د شړلو وېره په پاکستان کې د افغان کډوالو لپاره وژونکې پایلې لرلی شي. یاد سازمان ویلي، چې له پاکستان څخه د افغان کډوالو د‌ ډلییز اخراج لړۍ په یو ناورین بدل شوی او د یوې زیانمنونکې ټولنې کړاو یې لاپسې ژور کړی دی.