د چين د بهرنيو چارو وزارت وياندې ماو نينګ د جنورۍ په ۱۲ مه نېټه خبر ورکړی، چې د کاناډا صدراعظم مارک کارني به د چين د صدراعظم لي چيانګ په بلنه د جنورۍ له ۱۴ مې نېټې څخه تر ۱۷ مې نېټې پورې له دغه هېواد څخه رسمي لیدنه وکړي.
ماو نينګ وويل، له تېر کال راهیسې د چين او کاناډا د ګډو هڅو په نتيجه کې د دواړو هېوادونو ترمنځ اړيکې په تدريجي ډول ښې شوې. د چين دولت رئیس شي جین پینګ له صدراعظم کارني سره د کوريا جمهوريت په چيونګ جو کې ولیدل او د دواړو هېوادونو ترمنځ د اړيکو د ښه والي، اعادې او په بېلابېلو برخو کې د همکاريو لپاره يې لوري روښانه کړي دي. دا له تېرو اتو کلونو راهیسې چين ته د صدراعظم مارک کارني لومړی سفر دی او چين دغه سفر ته په ډېره درنه سترګه ګوري. رئیس شي جين بينګ به له هغه سره وګوري، څو د دواړو هېوادونو د اړيکو د لا نور ښه والي لپاره نوې ستراتېژيکې لارښوونه وکړي.
وياندې ماو نينګ زياته کړه، چې د چين او کاناډا ترمنځ د اړيکو ثابت او سالم پرمختګ د دواړو هېوادونو او د هغوی د خلکو له ګډو ګټو سره مطابقت لري او دغه راز د نړيوالې سولې، ثبات، پرمختيا او سمسورتيا لپاره هم ګټې لري.
