د چين د کمونېست ګوند د ډسپلين د څار شلم مرکزي کمېسيون پنځمه عمومي غونډه د جنورۍ له ۱۲مې نېټې څخه تر ۱۴مې نېټې پورې په بېجينګ کې ترسره شوه، چې د دغه کمېسيون ۱۲۰ غړو پکې برخه اخیستې وه.
په دغې غونډه کې د چين د کمونېست ګوند د مرکزي کمېټې عمومي منشي، دولت رئيس او مرکزي پوځي کمېسيون رئیس شي جين پينګ ګډون او وينا کړې ده او د دې ترڅنګ د لي چيانګ، جاو له جي، وانګ هو نينګ، څای چي، دينګ شوی شيانګ او لي شي په شمول د ګوند او هېواد مشرانو هم پکې برخه اخیستې وه.
دغه غونډه د نوې زمانې لپاره د چين ځانګړتيا لرونکي سوسياليزم په اړه د شي جين پينګ د مفکورې د زده کړې او تطبيق او د دغه ګوند د شلم ملي کانګرېس او د شلمې مرکزي کمېټې د تېرو عمومي غونډو د روحيې د بشپړ تطبيق او د څلورمې عمومي غونډې د ترتیباتو د عملي کېدو په محور ترسره شوې، چې پکې د ۲۰۲۵م کال د ډسپلين څارنېزو چارو ته بيا کتنه شوې او د ۲۰۲۶م کال دندې پکې ټاکل شوې دي.
په دغې غونډې کې کاري راپور «په لا لوړو معيارونو او لا عملي اقداماتو د ګوند هراړخیز جدي مديريت او د هېواد د پنځلسم پنځه کلن پلان د موخو تضمين» تر سنجش لاندې نيول شوی او تصويب شوی دی.
