د چین صدراعظم لي چيانګ د جنورۍ په ۱۵مې نېټې په پلازمېنې بېجينګ کې د کاناډا له صدراعظم مارک کارني سره لیدلي دي.
لي چيانګ له کاناډايي سیال سره په لیدنې کې ويلي، چې د چين او کاناډا ترمنځ اړيکې تر ګډو هڅو لاندې ښې شوي او د اړيکو سالم او ثابت پرمختګ يې د دواړو هېوادونو لپاره ګټور دی.
نوموړي ويلي، چين به له کاناډا سره د پرمختګ د پلانونو پيوستون پياوړی کړي، د بېلا بېلو برخو او بېلا بېلو کچو تګ راتګ به ورسره بیا اباد او زيات کړي او د سوداګرۍ، ټېکنالوژۍ او زراعت په برخو کې به ورسره د ډيالوګ ميکانيزم ښه وکاروي، څو دوه اړخيزه سوداګري يې ثابت پرمختګ ومومي، د اسانې سوداګرۍ سويه يې لوړه شي، د پاکې انرژۍ، ډيجيټلي تخنيکونو، عصري زراعت، فضايي چارو، پرمختللو تولیداتو او پولي برخو کې یې همکارۍ ژورې شي او نور زیات اقتصادي زیاتوالی ولري.
د يادو خبرو اترو له پای ته رسېدو وروسته، د چين او کاناډا د اړوندو ادارو مسئولينو د دواړو صدراعظمانو په حضور کې د سوداګرۍ، ګمرک، انرژۍ، ساختمانۍ، کلتور او عام امنیت په برخو کې يو لړ همکاريز تړونونه هم لاسليک کړل.
