د چين دولت رئيس شي جين پينګ د جنورۍ په ۱۶مې نېټې په پلازمينې بېجينګ کې د خلکو په لوی تالار کې د کاناډا له صدراعظم مارک کارني سره ليدلي دي.
شي جين پينګ د تېر کال په اکتوبر کې له مارک کارني سره د کوريا جمهوريت په ګيونګجو ښار کې ليدلي وو او د دواړو هېوادونو ترمنځ د مختلفو برخو د همکاريو پر بيا پيل يې ورسره خبرې کړې وې او ښې پایلې يې درلودې. شي جين پينګ له مارک کارني سره ياده ليدنه د دواړو هېوادونو ترمنځ د اړيکو د ښه والي پيل بللی او ويلي يې دي، چې د چين او کاناډا ترمنځ د اړيکو سالم او ثابت پرمختګ د دواړو هېوادونو له ګډو ګټو سره سمون لري او د نړيوالې سولې، ثبات او پرمختګ لپاره هم ګټور دی.
شي جين پينګ د چين او کاناډا د اړيکو د پرمختګ په اړه ويلي، چې دواړه هېوادونه بايد د متقابل درناوي، ګډ پرمختګ، متقابل باور او همغږۍ پر بنسټ ملګرتيا او همکارۍ وپالي.
کارني ويلي، چې کاناډا له چين سره تاريخي دوستي لري، دواړه هېوادونه په اقتصادي چارو کې يو د بل له برتريو څخه ګټې پورته کولی شي او پراخې ګډې ګټې لري. نوموړي هيله ښودلې، چې له چين سره د نوي ډول پياوړې او دواملرونکې ستراتيژيکې همکاريزې اړيکې جوړې کړي او د دواړو هېوادونو خلکو ته لازياتې ګټې ورسوي.
دواړو خواوو له لیدنې وروسته (( د چين او کاناډا د مشرانو د ملاقات ګډه اعلاميه)) هم خپره کړې ده.
