د کاناډا لومړي وزیر مارک کارني د جنورۍ له ۱۴مې نېټې څخه تر ۱۷مې نېټې پورې په بلنې سره چین ته رسمي سفر وکړ. دواړه خواوې د دې سفر په ترڅ کې د اقتصادي او سوداګریزو همکاریو د ژوروالي په اړه پراخې موافقې ته رسېدلي.
«د چین او کاناډا اقتصادي او سوداګریزې همکارۍ د لارې نقشه» یې لاسلیک کړه او د دوه اړخیزو اقتصادي او سوداګریزو مسئلو د حل لپاره یې لومړني ګډ ترتیبات جوړ کړل. د چین د سوداګرۍ وزارت اړوند چارواکي د نوموړو اقتصادي او سوداګریزو پایلو تفسیر وکړ.
لومړی: «د چین او کاناډا اقتصادي او سوداګریزې همکارۍ د لارې نقشه» عمده محتوا او مهم ټکي څه دي؟
دا سفر په ۸ کلونو کې چین ته د کاناډا د لومړي وزیر لومړی سفر دی. د چین د صدراعظم لي چيانګ او د کاناډا صدراعظم کارني په حضور کې، د چین د سوداګرۍ وزير وانګ ون تاو او د کاناډا د نړيوالې سوداګرۍ وزير مانندر سيدهو د روانې میاشتې په ۱۵مه نېټه د خپلو اړوندو څانګو په استازيتوب یاد همکاريز سند لاسليک کړ. دا د دواړو هېوادونو ترمنځ د نويو ستراتيژيکو همکاریزو اړیکو په چوکاټ کې ترلاسه شوی مهم پړاویزه پایله ده او همدارنګه د دوه اړخيزو اقتصادي او سوداګريزو اړيکو په تاريخ کې د لوړې کچې همکارۍ لومړی سند دی.
دوهم، د چین- کاناډا د مشرانو د ملاقات په ګډه اعلامیه کې یادونه شوې چې دواړه خواوې د اړوندو سوداګریزو او اقتصادي مسئلو د اداره کولو په اړه لومړنيو ګډو ترتیباتو ته رسېدلي دي. دواړو خواوو په دې وروستیو کې د دواړو هېوادونو د مشرانو لخوا د ترلاسه شوې مهمې اجماع د پلي کولو لپاره، د اندېښنې وړ سوداګریزو او اقتصادي مسئلو په اړه په مختلفو کچو کې د ژورو مشورو څو پړاوونه ترسره کړي.
درېیم، موږ پاملرنه کوو چې کاناډايي چارواکي له اړوندې رسنۍ سره په مرکه کې ویلي چې کاناډا ته د چین د برېښنایي موټرو صادراتو پورې اړوندو اقداماتو کې مثبت تعدیلات راولي.
کاناډا له ۲۰۲۴ کال څخه په چینایي برېښنایي موټرو ۱۰۰ سلنه اضافي تعرفه ولګوله چې کاناډا ته یې د چین د برېښنایي موټرو صادرات ډېر اغېزمن کړل. له وروستي تعدیلاتي ترتیب سره سم، کاناډا به هر کال چین ته د ۴۹ زرو برېښنایي موټرو د پلورلو انډول برابر کړي کوم چې د ۶ اعشاریه ۱ سلنې تر ټولو غوره تعرفې څخه خوند اخلي او نوموړې ۱۰۰ سلنه اضافي تعرفه به نوره ونه لګول شي. سربېره پر دې، د پلورلو یاد انډول به هر کال په یو ټاکلي نرخ کې زیات شي. چین باور لري چې دا د کاناډا لپاره په سم لوري کې یو مثبت ګام دی او د کاناډا بازار ته د چین د برېښنایي موټرو د پرمختګ لپاره ښه خبر دی.
څلورم، کاناډا چین ته د کرنیزو او سمندري محصولاتو د صادراتو په اړه اندېښمن هېواد دی. چین او کاناډا د همکارۍ د روحيې په رڼا کې د مشورو څو پړاوونه ترسره کړي. موږ باور لرو چې دا ترتیبات به د دواړو هېوادونو په اړوندو چارو کې د همکارۍ د پياوړتیا او د دواړو هېوادونو د خلکو د ژوند د ښه والي لپاره فعال رول ولوبوي
