د پاکستان صدراعظم شهباز شریف ویلي، چې کرنه د پاکستان د اقتصاد مهمه برخه ده او د پراخ پرمختګ وړتیا لري.
نوموړي ويلي، په پاکستان کې کرکیله د چین د ټکنالوژۍ او تجربو په مټ چټکه وده کولی شي او د پاکستان او چین د همکاريو راتلونکی يې روښانه یاد کړی دی.
د ۲۰۲۶م کال د پاکستان ـ چین د کرنیزو پانګونو غونډه د جنورۍ په ۱۹مې نېټې د پاکستان په پلازمېنې اسلاماباد کې ترسره شوه، چې د پاکستان د خوړو خوندیتوب او څېړنو وزارت له خوا تنظیم شوې وه.
شهباز شریف د کرنیزې ټکنالوژۍ، معلوماتي ټکنالوژۍ او مصنوعي ځیرکتیا په ګډون په بېلا بېلو برخو کې د چین لاسته راوړنې ستایلي او له پاکستاني بزګرانو، کرنیزو سازمانونو او ځوانانو یې غوښتي، چې د چینایي کارپوهانو په مرسته د هېواد د کرنیز اقتصاد د پرمختګ هڅې وکړي.
هغه هیله ښودلې، چې دواړه هېوادونه د ډیپلوماتیکو اړیکو د ټینګښت د ۷۵مې کلیزې په مناسبت، د چین ـ پاکستان اقتصادي دهلېز د نوې بڼې د جوړولو او د ژورو همکاريو پر مټ د دوه اړخیز اقتصاد دوامدار پرمختګ ته وده ورکړي.
