سي جي ټي اېن په مجازي یا انټرنېټي نړۍ کې په انګليسي، هسپانوي، فرانسوي، عربي او روسي ژبو یوه سروې خپرې کړې، چې له مخې يې په ۲۴ ساعتونو کې ۹۰۸۶ انټرنېټ کاروونکو پکې ګډون کړی او خپلې نظريې يې څرګندې کړې دي.
د سروې ۸۵ اعشاريه ۲ سلنه ګډونوالو ويلي، چې چين ته د يو شمېر هېوادونو د مشرانو وروستي سفرونه د دې ښکارندويي کوي، چې د څو قطبي کېدو برابر او منظم بهير او د ګډو ګټو او ټولشموليت پر بنسټ د نړيوال کېدو بهير د نړيوالو اړيکو په اړه د بېلا بېلو هېوادونو ګډې نظريې ګرځېدلي دي.
د سروې ۶۴ اعشاريه ۸ سلنه ګډونوالو چين ته د برېتانيې د لومړي وزير سټارمر د وروستي سفر موخه په بهرنيو اړيکو کې د ثبات موندل بللي او ويلي يې دي، چې اقتصادي او سوداګريزې همکارۍ د چين او برېتانيې د اړيکو مهمه برخه ده، چې اصلي بڼه يې پر ګډو ګټو ورټوله ده.
تېر کال د چين او برېتانيې ترمنځ د مالونو د سوداګرۍ حجم ۱۰۳ ميليارډه او ۷۰۰ ميليونه امريکايي ډالره ښودل شوی دی.
د سروې ۸۵ اعشاريه ۸ سلنه ګډونوالو د چين لوی بازار د برېتانوي تصديو لپاره د پرمختګ مهم فرصت بللی دی.
