اغلې الیانا یوتووا د ۲۰۲۶ کال د جنوري په ۲۳مه د بلغاریا لومړۍ ښځینه ولسمشره وټاکل شوه. نوموړې د ۲۰۲۵م کال په اکتوبر کې د بلغاريا د مرستيالې ولسمشرې په توګه په چین کې د ښځو نړيواله سرمشريزه کې ګډون کړی و او د دې سرمشريزې په څنډه کې له هغې سره د چين مېډيا ګروپ سي جي ټي اېن ځانګړې مرکه هم کړې وه.
اليانا يوتووا په دې مرکه کې د چين عصري علمي ټکنالوژۍ او لرغونی تاريخ ستايلي او د بلغاريا او چين ترمنځ اړيکې يې ثابت وده کوونکې بللې او ويلي يې دي، چې د دواړو هېوادونو ترمنځ اړيکو دا ثابته کړې، چې دواړه ملتونه متقابل پوهاوی او ګډه سمسورتيا رامنځته کولای شي.
هغې همدارنګه هيله ښودلې چې د چين او اروپا ترمنځ نظرياتي راکړې ورکړې لا تقويه او دوامداره شي او په وينا يې موږ باید يو د بل دښمنان نه، بلکې ځانونه دې همکاران وبولو، چې لاس په لاس مخ په وړاندې ځو.
الیانا یوتووا وويل له ډېرو کلونو راهیسې د اروپايي اتحادیې او چین ترمنځ تګ راتګ او خبرې هېڅکله نه دي درېدلې. البته مونږ هیله لرو چې دا روابط ډېر قوي او دوامداره شي. دواړه خواوې باید ډېر ځله سره وویني، ډېرې خبرې او مشورې وکړي. زه غواړم یو ځل بیا ټینګار وکړم، چې زموږ ترمنځ باید سیالي یا حسد نه وي. مونږ باید یو بل سيالان نه، بلکې شریکان وګڼو چې لاس په لاس مخ په وړاندې ځو.
