د نړیوالو رسنیو د راپورونو له مخې امریکا د ۲۵۰ څخه د زیاتو بار وړونکو الوتنو په ترسره کولو خپل پوځي تجهیزات په اردن، بحرین او سعودي عربستان کې اډو ته لېږدولي او ورته مهال په جنیوا کې له ایران سره د سېشنبې ورځې اټومي خبرو ته په نږدې کېدو سره یې سیمه کې خپل پوځي چمتووالی نور هم زیات کړی دی. امریکا په سیمه کې خپل پوځي حضور په داسې حال کې زیات کړی، چې د ایران د بهرنیو چارو وزیر عباس عراقچي او ورسره مل پلاوی یې له امریکا سره د اټومي خبرو اترو په دویم پړاو کې د ګډون لپاره جینوا ته تللی. تردې وړاندې ایراني رسنیو خبر ورکړی و، چې هغه د یوه پلاوي په مشرۍ د دغه خبرو د دویم پړاو او «ځینو ډیپلوماتیکو سلامشورو» لپاره جینوا ته روان شوی دی.
نړیوالې رسنۍ: امریکا په سیمه کې خپل پوځي حضور په بېساري ډول زیات کړی
Get real time update about this post categories directly on your device, subscribe now.
- Trending
- Comments
- Latest
