د چين د دولت رئیس شي جين پينګ درې کتابونه «د شي جين پينګ اقتصادي ويناوې او ليکنې » لومړی ټوک او « شي جين پينګ او د پوهنتونونو محصلين » لومړی او دوهم ټوک په دې وروستيو کې د دودیزې چینې ژبې په ليکدود چاپ او خپاره شوي دي.
د نوموړو درېيو کتابونو د خپرېدو مراسم او سيمينار د مارچ په اتلسمې نېټې په هانکانګ کې ترسره شوي دي.
«د شي جين پينګ اقتصادي ويناوې او ليکنې » لومړي ټوک کې د ۲۰۱۲م کال له نومبر څخه د ۲۰۲۴ کال تر ډسمبر پورې د چين د اقتصادي ابادۍ په اړه د شي جين پينګ د مهمو ويناوو او ليکنو محتويات شامل دي.
« شي جين پينګ او د پوهنتونونو محصلين » لومړي او دوهم ټوک کې هغه کيسې او نظرونه ليکل شوي، چې شي جين پينګ په ځايي ادارو او مرکزي کمېټو کې د ماموريت پرمهال د پوهنتونونو له محصلينو سره تبادلې کړي دي.
دغه دوه کتابونه د هېواد ځوانانو او په تېره بيا محصلينو ته د شي جين پينګ د پاملرنې ښکارندويي کوي او د ځوانانو د چارو په اړه د نوموړي د مهمو مفکورو د زده کړې ښه مواد پکې لیکل شوي دي.
