اوچا: نورستان کې ۱۰۰ زره کسان له بشري مرستو بې ‌برخې دي

د ملګرو ملتونو د بشري مرستو د همغږۍ دفتر (اوچا) وايي، چې د نورستان ولایت په برګمټال او کامدیش ولسوالیو کې شاوخوا ۱۰۰ زره کسان بشري مرستو ته لاسرسی نه لري. د اوچا په وینا، که څه هم دغو سیمو ته د کونړ ولایت د ناړۍ ولسوالۍ له لارې تګ راتګ شونی دی، خو دغه لاره د ډیورنډ فرضيکرښې له هغې غاړې څخه د ډزو له امله د ملکي وګړو او مرستندویو ادارو پر مخ تړل شوې ده. اوچا خبرداری ورکړی، چې د لارو بندېدو له امله د دغو ولسوالیو اوسېدونکي نه شي کولای بازارونو او روغتیايي خدمتونو ته لاسرسی پیدا کړي، او دا مهال د خوراکي توکو او طبي وسایلو له جدي کمښت سره مخ دي.