بادغیس؛ تیر کال له ۶۶ زرو ډېرې پېژندپاڼې وېشل شوې

د احصایې او معلوماتو ملي ادارې ویلي، چې د بادغیس ولایت د احصایې ریاست په ۱۴۰۴ کال کې ۶۶ زره او ۸۴۲ کسانو ته د تابعیت پېژندپاڼې وېشلې دي، چې له دې ډلې ۳۵ زره او ۳۳۰ برېښنایي او ۳۱ زره او ۵۱۲ کاغذي دي. همداراز، ۷۸۸ کسانو ته د ژوند پېښو د ثبت خدمتونه (۱۴۶ د زېږون کارتونه او ۶۴۲ د مړینې پارچې) او ۲ زره او ۵۸۱ کسانو ته د کاغذي پېژندپاڼو اصلاحي خدمتونه وړاندې شوي دي. د یاد ریاست رئیس ملا ضیاءالدین بختیار وایي، په دې ولایت کې د برېښنایي پېژندپاڼو دوه مرکزونه فعال دي، چې د نوو پېژندپاڼو وېش ترڅنګ د اصلاح، نوي‌کولو او د ژوند پېښو ثبت خدمات هم وړاندې کوي.