سره له دې چې په ټوله نړۍ کې جيوپوليټيکي شخړې کله کله پېښېږي او د انرژۍ نړيوال بازار سخت متزلزل ښکاري، خو د چين اقتصاد د روان کال په پيل کې خپل ثابت پرمختګ موندلی دی. د چين ميډيا ګروپ سي جي ټي اين د نړيوالو انترنيټ کارانو په منځ کې يوه سروې جوړه کړې چې له مخې يې ۸۹.۳ سلنه ګډون کوونکو په اوسنۍ متزلزله زمانه کې د چين ثابت پرمختګ ته مخ په زياتېدونکی ارزښت ورکړی دی.
د چين اقتصاد د روان کال په لومړۍ ربعه کې ۵ سلنه پرمختګ موندلی چې دا کچه له ټاکلي پلان سره برابره ده. په همدې وخت کې د پيسو نړيوال صندوق د نړيوال اقتصادي پرمختګ په اړه خپله وړاندوينه ۳.۱ سلنې ته ټيټه کړې ده. د يادې سروې ۸۹.۸ سلنه ګډون کوونکو د چيني اقتصاد پياوړې انعطاف پذيره ښودلی؛ ۷۹.۸ سلنه ګډون کوونکو ويلي، د چين ثابت پرمختګ له ناثباتۍ څخه ډکو نړيوالو اقتصادونو ته ثابت ځواک برابر کړی دی.
