سږکال د چين د ۱۵م پنځه کلن پلان د تطبيق لومړی کال دی او د دغه هېواد د مرکزي سیمې پرمختګ د دغه پلان لپاره ډېر مهم بلل کېږي.
د چين مرکزي سيمه د ټرانسپورټ، صنعتي بنسټ او د تګلارو د ګټو په برخو کې ښه والی لري او ډېرې بهرنۍ پانګونې يې راجلب کړې دي.
د چين د نړيوالې سوداګرۍ د هڅونې شورا په دې وروستيو کې له جيانګ شي ولايت څخه د بهرنيو تصديو د ليدنې فعاليت ترسره کړی دی.
په دغه فعاليت کې د کاناډا او چين د سوداګرۍ شورا د بېجينګ دفتر لومړي استازي پې دا وې ويلي، چې يانګ ځه سيند د جيانګ شي ولايت ترڅنګ تېر شوی او دغه سیمه د چين د لوجستيکي او اکمالاتي ځنځير لپاره ډېر مهم رول لوبوي.
نوموړي د جيانګ شي جغرافيايي ارزښت د کاناډايي صديو لپاره ګټور بللی او هغوی یې هڅولي، چې په دغې سیمې کې خپلې وارداتي او صادراتي چارې ترسره او همکارۍ وکړي.
