د چين د بهرنيو چارو وزارت وياند ګوه جيا کون د اپريل په ۲۲مې نېټې په يوې خبري ناستې کې د خبريالانو هغو پوښتنو ته، چې د تايوان سيمې د حکومت مشر لای چينګده د اسواتیني سلطنت ته خپل سفر ځنډولی، ځوابونه ويلي دي.
د مالوماتو له مخې، د تايوان سيمې د حکومت مشر لای چينګده د اسواتیني سلطنت ته خپل سفر لغوه کړی دی.
د تايوان سيمه ييزو چارواکو ويلي، چې د ځينو هېوادونو هوايي شرکتونو د چين د حکومت د فشار له امله، د لای چينګده د دغه سفر د الوتنې اجازه لنډمهاله لغوه کړې ده.
د چين د بهرنيو چارو وزارت وياند ګوه جيا ګون ويلي، له اسواتیني څخه پرته د افريقا ۵۳ هېوادونو له چين سره ډيپلوماتيکې اړيکې ټينګې کړي او له افريقايي اتحاديې سره يې د ۲۰۲۴م کال د چين او افريقا همکارۍ فورم د بېجينګ اعلاميه هم تصويب کړې ده.
دغو هېوادونو څو څو ځلې د يو چين پېژندنې پر اصل ټينګار کړی دی. دوی بیا بیا ويلي، چې په نړۍ کې يوازی يو چين شته او تايوان یې نه بېلېدونکې برخه ده او د چين ولسي جمهوريت حکومت یې يوازينی قانوني حکومت دی.
دغو هېوادونو د چين د حکومت د هېواد د بشپړ يووالي د ټولو هڅو کلک ملاتړ کړی دی.
ګوه جيا کون زياته کړې، اړوند هېوادونه د يو چين پېژندنې پر اصل ټينګار لري او دغه دریځ يې له نړيوالو قوانينو او د نړيوالو اړيکو له اساسي بنسټ سره سمون لري او چين يې ستايي.
