د چین دولت رئیس شي جين پينګ د اپرېل په ۲۱مې نېټې په پلازمېنې بېجينګ کې د موزمبيق له ولسمشر دانیل چاپو سره لیدلي او د دواړو هېوادونو پر اړيکو يې ورسره خبرې کړې دي.
دواړو مشرانو هوکړه کړې، چې دوه اړخيزې اړيکې به د چين او موزمبيق د ګډ برخلیک ټولنې نوي پړاو ته ورسوي.
شي جين پينګ دوستي او متقابل باور د چين او موزمبيق د اړيکو مهمې ځانګړتياوې او سياسي غوره والی بللی او په خبره یې، دواړه هېوادونه دې خپل ښه دودونه پرمخ بوځي، د خپلو اصلي ګټو او ګډې پاملرنې وړ مسئلو په اړه دې يو له بله ټینګ ملاتړ ته دوام ورکړي، د حکومتونو او ګوندونو په شمول په ټولو کچو او برخو کې دې تبادلې او هم د حکومتولۍ په برخه کې د تجربو تبادلې پياوړې کړي.
د دواړو هېوادونو د اړوندو ادارو مسئولينو د مشرانو په حضور کې له ۲۰ څخه زیات همکاریز سندونه لاسلیکونه کړي دي.
دواړو خواوو په نوې زمانه کې د چین او موزمبیق د ګډ برخلیک ټولنې د جوړولو ګډه اعلامیه هم خپره کړې ده.
