د چین د انسان وړونکې فضايي پروژې دفتر خبر ورکړی، چې د روانې پروژې په اړه يې د بهرنیو ستورمزلو د انتخاب چارې پای ته رسېدلي او دوه پاکستاني نوماندان محمد زیشان علي او خرم داود به د ابتدايي ستورمزلو په توګه د روزنې لپاره دغه هېواد ته ولاړ شي او تر روزنې او ازموینې وروسته به له دوی څخه یو کس د چين په فضايي چارو کې ګډون وکړي او دا به لومړنی بهرنی ستورمزلی وي چې د چین فضايي سټېشن ته به لاړ شي.
چین او پاکستان د تېر ۲۰۲۵م کال په فبرورۍ کې د پاکستاني ستورمزلو د انتخابولو او روزلو همکاریز تړون لاسلیک کړی دی.
چين یاد دوه پاکستاني نوماندان تر جدي ازموینو وروسته ټاکلي دي.
