د چین هوايي ځواک د اپرېل په ۲۲مې نېټې د هغو ۱۲ قربانيانو جسدونه او اړوند توکي په ( یون-۲۰ ب) ترانسپورتي الوتکې له کوريا جمهوريت څخه د چین لياونينګ ولايت شنيانګ ښار ته ولېږدول، چې د ۲۰ مې پېړۍ په پنځمه لسیزه کې له شمالي کوريا سره د امريکا د يرغل ضد جګړې کې د مرستې په پار ياد هېواد ته ورغلي وو.
کله چې د چین هوايي ځواک ( یون-۲۰ ب) الوتکه د دغه هېواد هوايي حريم ته داخله شوه، نو څلورو (جیان-۲۰) جنګي الوتکو یې د لياونينګ ولايت تر شنيانګ ښار پورې بدرګه کړه او په لوړې کچې يې قربانيانو ته د درناوي مراتب وړاندې کړل.
