د چين د کمونېست ګوند د مرکزي کمېټې عمومي منشي، دولت رئيس او د مرکزي پوځي کمېټې رئيس شي جين پينګ په دې وروستيو کې اړوندو ادارو ته ويلي، چې د جه جيانګ ولايت يي وو ښار د کوچنيو توکو لوی بازار او صنعت جوړ کړی او نورو سیمو ته یې د پرمختګ تجربه برابره کړې ده.
نوموړي ويلي، يي وو ښار د پرمختګ ښه بېلګه جوړه کړې او د خپلې محلي ځانګړتيا له مخې يې خپل اقتصاد ته وده ورکړې ده.
کله چې شي جين پينګ په جه جيانګ ولايت کې دنده ترسره کوله، نو هغه مهال یې څو څو ځلې له يي وو ښار څخه ليدنې وکړې او د دې ښار د پرمختګ تجربه يې راغونډې او پراخې کړې.
د يي وو د کوچنيو توکو په بازار کې د دوکانونو شمېر له يو ميليون او ۲۶۰ زرو څخه ډېر دی او له شاوخوا ۲۳۰ هېوادونو او سيمو سره سوداګريز تګ راتګ لري.
په ۲۰۲۵م کال کې د يي وو ښار د بهرنۍ سوداګرۍ صادراتي اندازې د دې هېواد په ټولو ولسواليو او ښارونو کې لومړی ځای نيولی و.
