په وروستيو کې يو برېټانوي وېبلاګ ليکونکي په چين کې يوه ازموينه تر سره کړې چې لپټاپ يې د قهوې په يوه ميز باندې اېښودلی او ورپسې له دې ځای څخه وخوځېد. یو ساعت وروسته هغه بېرته قهوې خونې ته ستون شو، خو پر دې حيران شو چې لپټاپ يې لاهم پر ځای دی. ډېرو بهرنيانو همدغه ازموينې په چين کې تر سره کړې او له دې لارې يې د چين په اړه لازيات معلومات تر لاسه کړي دي.
په ورته وخت کې چيني شکله خونديتوب هم ټولنيزو رسنيو کې د پاملرنې وړ ګرځېدلی دی. په چين کې بهرنيان هغه حالات ليدلی شي، د بېلګې په توګه بسته بندي شوي توکي ازاد اېښودل کېږي، په سوپرماکيټ یا مغازو کې مشتريان په خپله کيوار کوډ په وسيله شيان اخيستلی شي او خلک سهار وختي ازاد تګ راتګ کولی شي. هغوی د دغو حالاتو پر ليدو حيران شوي او هم له دې امله خوندي احساس کولی شي. بهرني انټرنېټ کاروونکي وايي چې چين ته د سفر په لومړيو ورځو کې يې تل وېره درلوده چې له خطرونو سره مخ شي، خو اوس کشف يې کړی چې تر ټولو خطرناکه چاره دا ده چې پکې خوندور خواړه ډېر دي او په اسانۍ سره چاغېدای شي.
په چين کې په شپه کې ګڼې ګوڼې ډېرې لیدل کېږي او کاروبار يې په منظمه توګه روان دی چې دا د بهرنيانو لپاره د حيرانتيا وړ ده، خو حقيقت يې د چينايانو ورځنی ژوند دی. اوس چين په نړۍ کې يو داسې هېواد دی چې د قتل، جنايي جرمونه او د ډزو د قضيو شمېر د نورو هېوادونو په پرتله لږ دی. د امریکا د ګالوپ ((د ۲۰۲۵م کال د نړیوال امنيت راپور )) خپور کړی چې له مخې يې په خپل هېواد کې د خلکو د خونديتوب احساس، د قانون او ټولنيز نظم ګرافونو په برخه کې د چين مقام له لوېديځو هېوادونو نه مخکې پاتې دی. د چین رسمي شمېرې ښيي چې تېر کال د چينايانو خونديتوب ګراف په سلو کې ۹۸،۲ ته رسېدلی دی او د چين دغه ګراف په مسلسلو شپږو کلونو کې په سلو کې ۹۸ ساتل شوی چې په نړۍ کې يې مخکښ ځای نيولی دی.
نو د چين حکومت د خلکو له خوا د خوندي احساسولو لپاره کومې هڅې کړې دي؟ د بېجينګ پوهنتون د ټولنيزو علومو پوهنځي پروفيسور لو جي هوا له خبريال سره په مرکه کې داسې ويلي چې د مشخصو اقداماتو له پلوه چین له خلکو په ګډو هڅو سره د ډيجيټلي ټېکنالوژۍ او اغېزناک اداري سيستم له لارې یوه کلکه امنيتي شبکه جوړه کړې ده. دغه راز د چيني شکله عصري کېدو په پلي کولو سره د چينايانو د ژوند سويه لا لوړه شوې او ترې يې لا خوندي احساس کولی شي. له دغه خونديتوب احساساتو څخه د چين د حکومتولۍ لاسته راوړنې او د ځانګړي نظام غوره والی ښکاري.
چيني شکله خونديتوب لومړی د عامه امنيت له ښې ساتنې څخه ښکاري. د چين حکومت د بدو ځواکونو د له منځه وړلو او د مخابراتي درغليو د مخنيوي او حتی د خلکو د ښه ژوند د ساتلو په برخو کې د قوانينو د جوړولو له لارې خوندي کرښه لاټينګه کړې ده. په ورته وخت کې د بېلابېلو کچو حکومتونو هم د خلکو د شکايتونو د حل و فصل لپاره اغېزناک بنسټیز ميکانيزم جوړ کړی، څو چې تضادونه يې پر وخت له منځه يوسي. شمېرې ښيي چې پر حکومت د چينايانو باور په نړۍ کې هم مخکښ ځای او پر راتلونکې د دوی باور په نړۍ کې لومړی مقام نيولی دی.
چيني شکله خونديتوب هم د ژوند له روښانه راتلونکې سره تړاو لري. چيني شکله عصري کېدو د ټولو خلکو د ګډو شتمنېدو په موخه عصريتوب دی. تېر کال د چيني اوسېدونکو د هر تن په سر عايد د وړم کال په پرتله په سلو کې ۵ زياتوالی ښودلی چې انډول يې د چین اقتصادي پرمختيايي انډول ته ورته و. دغه راز چين په نړۍ کې د پوهنې، ټولنیزې بيمې او طب تر ټولو لوی هر اړخيز سيستم اباد کړی چې د خلکو د ګټو پر بنسټ پرمختیايي منطق يې هر تن ته ګټې رسولی شي. د خلکو ژوند په ثابت ډول روان دی، ټولنيز ضمانت کافي او ټولنه يې په منظمه توګه اداره کېږي، نو په طبیعت سره خلک د خونديتوب احساس کوي.
