د کرواتيا پخوانی ولسمشر اوو یوسیپوویچ په دې وروستیو کې د چين مېډیا ګروپ سره د يوې ځانګړې مرکې پر مهال وویل، چې نړۍ باید هېڅکله بېرته د یو قطبي کېدو وخت ته ونه ګرځي چې یو لوی هېواد واکمن و. د څو قطبي کېدو بهیر اوس روښانه شوی او دا به دوام ومومي.
هغه وویل، د چین د پنځلسم پنځه کلن پلان د دې هېواد او هم د اروپايي هېوادونو لپاره یو مهم فرصت دی. زما په اند، دا ډېره مهمه ده چې د چین په اړه بې بنسټه اندېښنې له منځه لاړې شي.
نوموړي وویل، ځينې کسان اندېښنه لري چې چین به بازار په بشپړه توګه تر خپل کنټرول لاندې راولي، خو دا خبره سمه نه ده. د چین دوامداره ورخلاصون نه یوازې د چین لپاره بلکې د نړۍ د نورو هېوادونو لپاره هم ژور اهمیت لري.
