د چين د سوداګرۍ وزارت وياندې هه يونګ چيان د مارچ په ۲۶مې نېټې وويل، چې اروپايي ټولنې د چين د څو ځلې احتجاج او مخالفت سره سره پر روسيې د ۲۰م پړاو بنديزونو په لېست کې چيني تصدۍ شاملې کړي. چيني لوری د اروپايي ټولنې له دې کړنې سره ټینګ مخالفت کوي.
هه يونګ چيان وويل، چې چيني لوري بيا بيا د ملګرو ملتونو د امنيت شورا له اجازې پرته د يو اړخيزو بنديزونو سره خپل مخالفت تکرار کړی دی. نوموړې د اروپايي ټولنې دغه کړنه د چيني او اروپايي مشرانو د ګډو توافقاتو له روح سره په ټکر او د دواړو خواوو پر متقابل باور او دوه اړخيزو اړيکو زيانمنه بللې.
چيني لوري له اروپايي ټولنې څخه غوښتي، چې سمدلاسه د بنديزونو له لېست څخه چيني تصدۍ او شخصيتونه لرې کړي او د دواړو خواوو د مشرانو د ګډو توافقاتو د اصولو مراعات وکړي او د خبرو اترو او سلامشورو له لارې د متقابلو اندېښنو د لري کولو لارې چارې پيدا کړي.
