په ملګرو ملتونو کې د چین دایمي استازي فو څونګ د اپرېل په ۲۷مه نېټه د امنیت شورا د سمندري امنیت د لوړې کچې بحث کې ګډون او وينا کړې ده.
نوموړي په هرمز تنګي کې د رامنځته شوي خنډ اصلي لامل د ایران پر وړاندې د امریکا او اسرائیل غیرقانوني پوځي اقدامات یاد کړي دي.
هغه ويلي، په هرمز تنګي کې د بېړيو د تګ راتګ پر وړاندې د رامنځته شوي خنډ د لرې کولو لپاره باید سمدستي دوامدار اوربند ته لاره هواره شي.
فو څونګ ویلي، هرمز تنګی د توکو او انرژۍ لپاره مهمه نړیواله سوداګریزه لاره ده او په سیمه کې د امنیت، ثبات او د بې خنډه ټرافیک ساتنه د نړیوالې ټولنې له ګډو ګټو سره سمون لري.
هغه په هرمز تنګي کې د رامنځته شوي خنډ اصلي لامل د ایران پر وړاندې د امريکا او اسرائيل غیرقانوني پوځي اقدامات یاد کړي دي.
فو څونګ زیاته کړې، هېواد یې د پاکستان او نورو هېوادونو د منځګړیتوب ستاینه کوي او د شخړې له ښکېلو خواوو څخه غواړي، چې په سیاسي او ډیپلوماتیکو لارو ستونزې هوارې کړي. چین به د سیمه ییزې سولې او ثبات د هڅولو لپاره رغنده رول ولوبوي.
