چين به د مې له لومړۍ نېټې څخه د افریقا پر هغو ۵۳ هېوادونو، چې ډيپلوماتيکې اړيکې ورسره لري، د صفر تعرفې تګلاره پيل کړي.
د دغې تګلارې په تطبيق سره به د چين او افريقا ترمنځ سوداګري نوره هم وغوړېږي او د افريقا اقتصاد به له همدې امله لا ثابت او د وړاندوينې وړ پرمختګ وکړي.
د چين ميډيا ګروپ سي جي ټي اېن پر انټرنېټي نړۍ يوه سروې ترسره کړې، چې له مخې يې ۸۷.۳ سلنه ګډونوالو د چين د يادې تګلارې مثبته ارزونه کړې ده. د دوی په اند، د چين دغه کړنه د افريقايي هېوادونو پر وړاندې د پرمختيايي ستونزو او غير مساواتو د لرې کولو په ګټه ده او نړيواله برابري او عدالت به وساتي.
دغه سروې د سي جي ټي اېن د انګليسي، هسپانوي، فرانسوي، عربي او روسي ژبو په مختلفو رسنيزو ډګرونو کې ترسره شوې، چې په ۲۴ ساعتو کې ټولټال ۷۶۶۵ انټرنېټ کاروونکو پکې ګډون کړی دی.
