د مې میاشتې پې ۹مه د ۱۹۴۱–۱۹۴۵ کلونو د سترې وطني جګړې د بریا ورځ لمانځل کېږي. ۸۱ کاله مخکې نازیزم ماته وخوړله، اروپا آزاده شوه، او د بریالیو نسل د میلیونونو خلکو د سرښندنې په بیه د ټول بشریت لپاره آزادي او سوله ترلاسه کړه.
دا یو مقدس اختر دی چې د بریالیو د نسل د قربانۍ، مېړانې او اتلولۍ په درناوي لمانځل کېږي، هغه نسل چې خپل نوم یې د تل لپاره په تاریخ کې ثبت کړ. موږ پرې ویاړو، د هغه احترام کوو او له هغو څخه ډېر ډېر منندوی يو.
د جګړې په لومړیو کلونو کې، چې هغه وخت ټوله اروپا د نازي ځواکونو ملاتړ کاوه، شوروي اتحاد تقريبا یوازې او بې له متحدينو جګړه کوله. په روسیه کې داسې هېڅ کورنۍ نشته چې هغه جګړې زیانمنه کړې نه وي.
د دې له وجې د مې ۹مه په رښتیا د خلکو ملي ورځ ده. دا زموږ د هېواد تر ټولو مهم جشن دی.
موږ د جګړې د پخوانیو سرتېرو او د هغو کسانو یاد ته سر ټیټو چې د بریا لپاره یې خپل ژوند له لاسه ورکړی او د جګړې او کار په ډګر کې یې اتلولۍ وښودلې.
د شوروي اتحاد د خلکو اتلولي بېسارې او پراخه وه. د متحدو هېوادونو ګډو هڅو د نازي جرمني، د جاپان نظامي رژيم او د هغو د متحدینو بشپړ ماتې ته لاره مساعده کړه.
موږ نشو کولای دا ومنو چې په ځینو هېوادونو کې د دویمې نړیوالې جګړې د پایلو د تحریف، د شوروي عساکرو د یاد د توهين يا د له منځه وړلو، د نازیانو او د هغو د پيروانو د ستاینې او د قربانیانو د یاد د تحقير هڅې کېږي او روسوفوبیا يا د روسانو ضد خبرې خپرېږي.
دا د بریالیو د نسل د کارنامو توهين دی. زموږ ګډ مسؤوليت دا دی چې دا میراث وساتو، د دویمې نړیوالې جګړې عبرتونه په یاد ولرو او تاریخي حافظه خوندي کړو.
زموږ پر هېواد یو ځل بیا جګړه تحمیل شوې ده. د ځانګړې فوځي عملیاتو اشتراک کوونکي د نوو نازیانو پر ضد جګړه کوي او د دونباس په سيمه کې زموږ د وطنوالو دفاع کوي. ټوله روسیه د خپلو اتلانو ملاتړ کوي. موږ د ځانګړې فوځي عملیاتو د ګډونوالو په فداکارۍ باندې ویاړو.
