د راپورونو له مخې ایران اعلان کړی چې تر اوسه یې د امریکا وروستي وړاندیز ته رسمي ځواب نه دی ورکړی، خو د دواړو لوریو ترمنځ د ډیپلوماتیکو پیغامونو تبادله لا هم روانه ده. الجزیرې راپور ورکړی چې د ایران د بهرنیو چارو وزارت ویاند ویلي، دغه پیغامونه د پاکستان په منځګړیتوب تبادله کېږي. د نوموړي په وینا، د تبادله شویو پیغامونو د محتوا ارزونه دوام لري او تر اوسه په دې تړاو وروستۍ پرېکړه نه ده شوې. د راپور له مخې، د ایران او امریکا ترمنځ نامستقیمې اړیکې د ډیپلوماتیکو چینلونو له لارې روانې دي، خو تر اوسه د امریکا د وړاندیز د څرنګوالي او د ایران د احتمالي ځواب په اړه نور جزئیات نه دي خپاره شوي.
ایران: د امریکا وروستي وړاندیز ته یې رسمي ځواب نه دی ورکړی
Get real time update about this post categories directly on your device, subscribe now.
- Trending
- Comments
- Latest
