په ملګرو ملتونو کې د چین دایمي استازي مرستیال سون لې د اکتوبر په ۲۳مه نېټه په عمومي اسامبله کې د اټومي انرژۍ نړيواله ايجنسي د کلني راپور د ارزونې پر مهال په خپله وینا کې وویل چې د ایران د اټومي مسئلې څېړنه باید ودروي.
سون لې وویل، چې د اټومي انرژۍ نړيواله ايجنسي باید خپل کارونه په بې طرفه او عادلانه توګه ترسره کړي او په کلکه د خپل واک او مسؤلیت له مخې خپلې دندې اجرا کړي، څو اړوندو خواوو ترمنځ د خبرو اترو له بېرته پیلېدو سره مرسته وکړي.
هغه زیاته کړه چې د ایران د اټومي مسئلې وروستی حل باید د ډیپلوماسۍ له لارې وموندل شي. د جنګونو او د بندیزونو له لارې فشار راوړل به یوازې اختلافات زیات کړي. ایران چې د اټومي وسلو د نه خپرېدو د تړون غړی دی او اټومي وسلې نه لري، باید د اټومي وسلو د نه جوړولو خپلې ژمنې عملي کړي. په عین حال کې، له اټومي انرژۍ څخه د ايران د سوله ییزې استفادې حق باید ورته درناوی شي.
نوموړي وویل، د ملګرو ملتونو د امنیت شورا ۲۲۳۱مه پرېکړه لیک اوس پای ته رسېدلی دی. له همدې امله، د امنیت شورا او د اټومي انرژۍ نړیواله ايجنسي باید د ایران د اټومي مسئلې څېړنه ودروي او د دغې ايجنسۍ عمومي رییس باید د دې مسئلې په اړه د راپورونو له وړاندې کولو ډډه وکړي.
