کيوبايي کارپوه ايډوارډو ريګالادو فلوريډو په دې وروستيو کې د هسپانیې « د چين د پاليسۍ څار» پر وېبپاڼې يوه مقاله خپره کړې ده.
نوموړي په دغه مقاله کې د لاتيني امريکې لپاره د چين د حکومتولۍ د سمې پېژندنې مفهوم او عمل ته کتنه کړې او د دغه هېواد د حکومتولۍ چارې يې ستایلې دي.
ايډوارډو ويلي، د چين د حکومتولۍ د سمې پېژندنې کمپاين د خلکو له اصلي ګټو سره سمون لري او د علمي اصولو په رڼا کې ترسره کېږي او دغه کمپاین یې د چين دننه عملي کېدونکی او د نړيوال مديريت لپاره ګټور بللی دی.
نوموړي ليکلي، چين په نړيوالو همکاريو او د کمربند او لارې د ګډې ابادۍ او سراسري جنوب د همکاريو په بهير کې د حکومتوالۍ پر سمې پېژندې ټينګار لري او پر دې اند دی، چې همکارۍ بايد ملي حاکميت ته د درناوي پر بنسټ ترسره او د ټولو هېوادونو له مشخص وضعيت سره سمون ولري او خلکو ته باید ګټې ورسوي.
چين په همکاريو کې له اضافي سياسي شرايطو او جبري بهرني ماډل سره مخالفت او په حکومتوالۍ او نړيوالو کړنو کې پر يو شان اصولو ټينګار لري.
چين غواړي، چې ټول هېوادونه باید ګډې ګټې ولري او د مختلفو سيمو د مشخصو وضعيتونو له مخې باید مناسبې لارې چارې غوره او دوام لرونکي پرمختګ ته زمینه برابره کړي.
