د هرات د ښاروالۍ مسوولین وایي، چې د ښار د پنځلسمې ناحیې اړوند د حلقوي سړک د پاتې برخو د قیرکولو چارې له سره پیل شوې دي. د ښاروالۍ د تخنیکي او مسلکي چارو رئیس انجینر محمد ایوب سیفالجهاد ویلي، دغه پروژه د هرات ښاروالۍ له انکشافي بودیجې څخه د څه باندې ۳۰ میلیونه افغانیو په لګښت پلې کېږي او ټولې چارې به د ټاکل شویو تخنیکي معیارونو له مخې ترسره شي. د نوموړي په وینا، د یاد سړک د جوړېدو چارې تېر کال پیل شوې وې، خو د تخنیکي ستونزو له امله ځنډېدلې وې. اوس یې کارونه بېرته پیل شوي او ټاکل شوې د شپږو میاشتو په موده کې بشپړې او ګټې اخیستنې ته وسپارل شي.
هرات کې؛ د حلقوي سړک د پاتې برخو د قیرکولو چارې بیا پیل شوې
Get real time update about this post categories directly on your device, subscribe now.
- Trending
- Comments
- Latest
