په هلمند ولایت کې د ۴۹ میلیونه افغانیو په ارزښت دوه روغتیايي مرکزونه ګټې اخیستنې ته وسپارل شول. د هلمند د عامې روغتیا ریاست وایي، دغه روغتیايي مرکزونه د کډوالو عالي کمېشنرۍ په مالي مرسته د مرکز لښکرګاه او نهر سراج ولسوالیو کې جوړ شوي دي. د هلمند د عامې روغتیا رییس ډاکټر نقیبالله فاتح ویلي، د دغو مرکزونو په جوړېدو سره به د سیمې د اوسېدونکو لپاره د روغتیايي خدمتونو د لاسرسي کچه لوړه شي او د ناروغانو د درملنې بهیر به لا ښه شي. هغه زیاته کړې، عامې روغتیا وزارت هڅه کوي چې په لرې پرتو سیمو کې د روغتیايي خدماتو کیفیت او کمیت لا پراخ کړي.
هلمند کې دوه روغتیايي مرکزونه ګټې اخیستنې ته وسپارل شول
Get real time update about this post categories directly on your device, subscribe now.
- Trending
- Comments
- Latest
