د ملګرو ملتونو پراختیايي پروګرام (UNDP) ویلي، چې د اروپايي ټولنې په ملاتړ په بدخشان ولایت کې د اقتصادي پیاوړتیا، د بنسټیزو خدماتو د ښهوالي او د سیمهییزو ټولنو د ظرفیت لوړولو لپاره پراخ پروګرامونه پلي کوي. دغه بنسټ د چنګاښ په ۱۳مه راپور ورکړی، چې د اروپايي ټولنې یوه پلاوي بدخشان ته د سفر پر مهال په فیضاباد، بهارک او ارغنجخواه ولسوالیو کې له یو شمېر پراختیايي پروژو لیدنه کړې ده. د راپور له مخې، په یادو پروژو کې د کوچنیو کاروبارونو ملاتړ، د زیانمنو کورنیو د معیشت پیاوړتیا، د خوړو خوندیتوب، د کرنې او اوبو لګولو د سیستمونو پراختیا او د روغتیايي خدماتو ښهوالی شامل دي. ملګرو ملتونو زیاته کړې، چې د دغو پروګرامونو یوه مهمه برخه د فني او مسلکي زدهکړو له لارې د ښځو او ځوانانو پر پیاوړتیا تمرکز لري، ترڅو په لرې پرتو سیمو کې د کارموندنې او دوامداره عاید فرصتونه رامنځته شي.
یواین ډي پي: په بدخشان کې د اقتصادي او پراختیايي پروژو د پراختیا خبر ورکوي
Get real time update about this post categories directly on your device, subscribe now.
- Trending
- Comments
- Latest
