د چین د ګمرکاتو عمومي ادارې د جولای په ۱۴مې نېټې په يوې مطبوعاتي غونډې کې د ۲۰۲۶م کال په لومړۍ نيمايي کې د دې هېواد د بهرنۍ سوداګرۍ معلومات وړاندې کړي دي.
د یادې ادارې مسئول وايي، د روان کال په لومړۍ نیمايي کې، د چين د توکو د وارداتو او صادراتو عمومي اندازه د تېر کال د همدې مودې په پرتله ۱۶ اعشاریه ۹ سلنه زياته شوې او په ټوله کې يې بهرنۍ سوداګري په ښه حال کې روانه ده.
شمېرې ښيي، د روان کال په لومړۍ نيمايي کې د چين د توکو د وارداتو او صادراتو عمومي اندازه ۲۵ ټريليونو او ۴۷۰ میلیارډو يوانو ته رسېدلې، چې د تېر کال د همدې مودې په پرتله ۱۶.۹ سلنه زياتوالی ښيي او په دې جمله کې يې صادرات ۱۴ ټريليونه او ۷۳۰ میلیارډه يوانه ښودل شوي، چې دا د تېر کال د همدې مودې په پرتله ۱۳.۴ سلنه زيات شوي او واردات یې ۱۰ ټريليونه او ۷۴۰ میلیارډه يوانو ته رسیدلي، چې دا بیا ۲۲.۱ سلنه زياتوالی ښيي.
د روان کال په جون کې د چين د وارداتو او صادراتو ارزښت ۴ ټريليونو او ۷۸۰ ميلیارډو يوانو ته رسېدلی، چې د تېر کال د همدې مودې په پرتله ۲۴.۲ سلنه زيات شوی دی.
د چين بهرنۍ سوداګري له ۱۷ مياشتو راهيسې د ودې په حال کې ده.
