د چین د مهاجرت ملي ادارې شمېرې ښيي، چې د روان کال په لومړۍ نيمايي کې چين ته د تلونکو بهرنيانو شمېر ۲۲ ميليونه او ۹۱۴ زرو ته رسېدلی، چې دغه شمېر د تېر کال د همدې مودې په پرتله په سلو کې شل اعشاريه څلور زياتوالی ښيي.
په انلاېن ګرځندويه ډګرونو کې د الوتکو د ټکټونو د پلور شمېرې ښيي، چې د روان کال جون راهيسې له اروپا څخه چين ته د تلونکو سيلانيانو شمېر مخ په زياتېدو دی، چې په دې جملې کې له فنلنډ څخه چين ته د تلونکو سيلانیانو د ټکټونو اندازه د تېر کال د همدې مودې په پرتله په سلو کې دوولس اعشاريه څلور او له يونان څخه چين ته د تلونکو سيلانیانو شمېر د تېر کال د همدې مودې په پرتله نږدې دوه برابره زياتوالی ښيي.
له دوبنۍ رخصتۍ راهيسې، د چین د ګوانګ دونګ ولایت شنجن ښار ته د داخلو شويو بهرنيو سيلانیانو شمېر پر له پسې زياتوالی موندلی، چې په دې جملې کې د اروپايي سيلانیانو شمېر د پخوا په پرتله څرګند لوړوالی ښيي.
