د نړۍ يو شمېر مشهورو شخصيتونو امريکا ته د چين د دولت رئيس شي جين پينګ رسمي سفر مهم او ارزښتناک بللی او پر دې اند دي، چې د چين او امريکا د اړيکو او د نړيوالې سولې او پرمختګ د اړوندو مهمو مسئلو په اړه د دواړو هېوادونو د مشرانو د نظريو ژوره تبادله به نه يوازې د خپلمنځي رغنده ستراتيژيکو ثابتو اړيکو محتويات غني کړي، بلکې نړۍ ته به هم ګټې ورسوي.
رئيس شي جين پينګ په سپينې ماڼۍ کې دده د هرکلي مېلمستيا ته د وينا په ترڅ کې شاوخوا ۸۰ کاله مخکې د جاپاني ميلتاريزم د تيري کوونکو پر وړاندې د چينايانو او امريکايانو د ګډې مبارزې تاريخ او په چين کې د صحرايي کېدو د مخنيوي په برخه کې د امريکايي رونالډ ساکولسکي د خدمت کېسې ته اشاره کړې او دا یې د چينایانو او امريکایانو د دوستانه تګ راتګ نمونې بللې دي.
د رونالډ ساکولسکي په شمول ځينو امريکايي شخصیتونو ويلي، چې د امريکا او چين د تګ راتګ او همکاریو پياوړتيا او تلپاتې دوستي د دواړو هېوادونو د خلکو ګډه هيله ده.
د نړيوالې ټولنې یو شمېر نورو شخصيتونو ويلي، چې د چين او امريکا ترمنځ د اړيکو پياوړتيا او سوله ييز ګډ ژوند نه يوازې له نړيوالو ننګونو سره په مبارزې کې مرسته کړې، بلکې د نورو هېوادونو د همکارۍ لپاره يې ګټوره نمونه هم برابره کړې ده.
