حسن روحاني: په یو اړخیزه توګه اټومي قرارداد نشو عملي کولی

د ایران ولسمشر حسن روحاني په تاجکستان کې د نړۍ د ځواکمنو هېوادونو ترمنځ له اټمي تړون څخه د امریکا د وتلو پرېکړې ته په اشارې سره وویل که د اټمي تړون لاسليکوونکي مثبت گامونه وانخلي، ایران به هم خپلې همکارۍ کمې کړي. نوموړي ویلي، دا روښانه ده چې ایران نشي کولی په یو اړخیزه توګه دغه تړون ته ژمن پاتې شي خو دا حتمي ده چې ددې تړون ټولې خواوې یې په عملي کولو کې ونډه واخلي. روحانې دا خبرې په داسې حال کې کړي، چې د امریکا د دفاع سرپرست وزیر پترک شناهن ویلي، چې امریکا په منځني ختیځ کې د تېلو پر څو ټانکرونو، د سعودي د تېلو پر نل لیکو او د هغه هېواد پر هوايي ډګر له پرلپسې برېدونو وروسته، اوس د نړېوالې ټولنې پر یووالي حساب کوي.