د پاکستان له لوري هند سره په ټولو معاملو د خبرو د لړۍ د بیا پیل کولو د غوښتنې په ځواب کې هند پاکستان سره خبرو ته زړه ښه کړی دی خو زیاتوي چې لومړی باید پر ترهګرۍ خبرې وشي. د پاکستان لومړي وزیر عمران خان د روانې میاشتې په پیل کې د هند لومړي وزیر نریندرا مودي ته د دویم ځل ټاکل کېدو مبارکي ورکړې او په یوه لیک کې یې ترې غوښتي چې دواړه هېوادونه باید یو بل سره خبرو ته کېني. په ورته وخت کې د پاکستان د بهرنیو چارو وزیر شاه محمود قریشي هم خپل هندي سیال جي شنکر ته لیک لېږلی دی او ترې غوښتې یې دي چې باید د ستونزو کمولو لپاره خبرو ته سره کېني. مودي او شنکر دواړو د خپلو پاکستاني سیالانو لیکونو ته مثبت ځواب ویلی دی خو زیاته کړې یې ده چې لومړی باید پر ترهګرۍ خبرې وشي هغه څه چې پاکستان یې په ملاتړ تورن دی.
هند: پاکستان سره خبرې کوو خو لومړی باید پر ترهګرۍ وغږېږو
Get real time update about this post categories directly on your device, subscribe now.
- Trending
- Comments
- Latest
