د روسیې د دفاع وزارت وایي، د دوی په یوه کوچني اوبتل کې د اور لګېدنې له امله د سمندري ځواک د عملې ۱۴ تنه وژل شوي. د وزارت په وینا، دې اوتبل د دوشنبې په ورځ د روسیې په اوبو کې څېړنې کولې چې پکې اور ولګېد او د عملې ۱۴ کسان لوګي ووژل. وروسته دغه اور ووژل شو او اوبتل اوس د روسیې په سیوروموسک بندر کې ولاړ دی. د دې پېښې په اړه پلټنې پيل شوې دي. په ۲۰۰۰ کال کې هم د روسیې د سنمدري ځواک په یوه اوبتل کې د چاودنې له کبله د عملې ۱۱۸ تنه وژل شوي وو. په وروستیو څو کلونو کې د نړۍ په بېلابېلو برخو کې په اوبتلونو کې دا ډول پېښو مرګ ژوبله اړولې ده.
د روسیې یوه اوبتل کې اورلګېدنې ۱۴ کسه وژلي دي
Get real time update about this post categories directly on your device, subscribe now.
- Trending
- Comments
- Latest
