د خیبر پښتنوخوا په ډېره اسماعیل خان سیمه کې دوو جلا پېښو کې د څلورو پاکستاني پولیسو په ګډون اووه تنه وژل شوي او ۲۴ نور ټپیان دي. د راپورونو له مخې دا داوړه پېښې د څو دقیقو په توپیر رامنځته شوې دي. پاکستاني پولیسو ویلي چې لومړی څو تنو بریدګرو نن سهار ۷ بجې او څلوېښت دقیقې د کوتله سیدان په سیمه کې پر یوې پوستې برید وکړ او دوه پولیس یې ووژل. د پولیسو په خبره، دویمه پېښه چې ځانمرګی و، روغتون ته د لومړۍ پېښې د قربانیانو تر انتقال وروسته رامنځته شوې چې د دوو پولیسو په ګډون یې درې عام وګړي وژلي او ۲۴ نور یې ټپیان کړي دي. په ټپیانو کې شپږ پولیس او پاتې نور یې ملکیان دي. د برید پړه تحریک طالبان پاکستان پر غاړه اخیستې ده.
ډېره اسماعیل خان کې ۱۰ پاکستاني پولیسو ته مرګ ژوبله اوښتې
Get real time update about this post categories directly on your device, subscribe now.
- Trending
- Comments
- Latest
