د عمران خان د سفر پر مهال؛ واشنګټن کې لاریونوالو د علي او محسن د خوشې کولو غوښتنه کړې

امریکا ته د پاکستان د لومړي وزیر عمران خان د سفر پر مهال، هلته ګڼو لاریونوالو د پښتون ژغورنې غورځنګ د دوو نیول شویو مشرانو علي وزیر او محسن داوړ د خوشې کورو غوښتنه کړې ده. دا لاریونونه په داسې حال کې شوي دي چې نوموړي کېپټل ون ارینا کې د پاکستانیانو یوې پراخې غونډې ته خبرې کولې او د همدې را ټولېدنې ځای نه بهر ګڼو لاریونوالو د ګو نیازي، ګو عمران شعارونه بدرګه کول او د علي وزیر او محسن داوړ خوشې کړه، نارې یې وهلې. دوی ویلي چې د پښتونخوا له شمالي او جنوبي وزیرستانه منتخب د قامي اسمبلۍ غړې دې ژر تر ژره خوشې کړل شي. لاریونوالو ویلي، دوی له پښتنو سره د پاکستاني حکومت له ظلمونو خبر دي او عمران دې خلکو ته بې ځایه صفایي نه ورکوي. هغوی ټینګار کړی دی چې که علي او محسن را خوشې نه کړل شي نو دوی به خپلو لاریونونو ته دوام ورکړي.